Introduction in Yaqui as spoken by Modesto Bule: Pahko’ora/Pahko’ola: Mayo and Yaqui Masks from the James S. Griffith Collection

Ume’e mahkam avaso vasekapo yaa’arim pahko’ola sauwaum. “Ume’e pahkopo yo’owem” tua unna achai o’ola tao vicha liohs nokta hippue si’ime ropohoaram vetchivo mayo vatwepo um sonorapo. Karapue vatwepo Sinaloa ropohoarampo. Into hiakim sonarapo into Arizona. Ume’e mahkaam um woi ropohoaram veekatana unna im nanaana, ta hiva katua hiva venamme, katte hiva hunama a suale into itom a tekipanoapo. Si’ime am hoame tabwisi am hohoa, waate vasekapo, waate into tabwi kutapo.

Inim mamni taka wasuktiam lu’utepo, ume’e pahko’ola mahkam ume’e yoemra ta haisa a hoakamta vichame ket mahkam a’awa into ket am tu’ule ka a am e’eriamme. Yo’o lutu’uria mak tu’isi ya’arim into seatakata amet vichaka o ineaka am tuule. Ini’i u’u etehori hariuwame. Umee mayo into hiak mahkam chea vat lutu’uriata weiya. Ume’e pahko’ola mahkam nau tohakame u’u Dr. James S. Griffith. Inim ropohoarampo into vem yo’o lutu’uriata a vichame into a tu’ureme. Ket vempoimpo yeu simvlame. U’u yo’o lutu’uria ta ta’ame a nunuk u’u mayo nokta nokame into Daniel Vega into uka’a yo’o lutu’uriau weekame, into ume’e yo’owem oficio habwekame si’ime Dr. Griffith ta mak nau a tekipanoame into ume’e yo’owem au habwekame.

U’u pahko’ola, mahkaa’apo puhvateko u’u sea taka yoawapo au ya’ane. Waki aniapo o huya aniapo hoakame. —U’u mayo pahko’ola Jose Gil Jocobi Etchojoa, Sonorapo home Santiago Benton tau inien hiak Si’ime pahko’ola ta weiyau etehorita hippue.

Si’ime u’u hianira pahko’olata weiyau etehorita hippue ini’i hiak ropohoaram meu vicha a bwise o anaikia. Inian a teuwa u’u hiak pahko’ola. —Yaqui Pascola Modesto Bule

Unna polovesia ne ameu rukte um hita vitchuwa’apo am yo’oreka am hikkaha ume’e ama huuneame. —James S. Griffith, ume’e hiakim into mayom nau etehopo